काठमाडौँ । नेता महन्थ ठाकुरको नेतृत्वमा गठन हुन लागेको नयाँ दलका लागि सनाखत गर्न नेताहरू निर्वाचन आयोग पुगेका छन् । ठाकुर नेतृत्वमा लोकतान्त्रिक समाजवादी पार्टी गठन हुने भएको हो ।

जनता समाजवादी पार्टी (जसपा)बाट छुट्टिएका नेताहरू नयाँ पार्टी गठन गर्न निर्वाचन आयोग पुगेका हुन् । सनाखतका लागि रेशम चौधरीसहित करिब १५ जना सांसद आफ्नो पक्षमा रहेको नेता राजेन्द्र महत्तोले जानकारी दिए ।

‘हाम्रो पक्षमा १५ जना सांसद र १ जना केन्द्रीय सदस्यहरू सनाखत गर्न निर्वाचन आयोग आउनु हुन्छ,’ उनले भने ।