काठमाडौँ । नेकपा एमालेबाट विभाजन भई बनेको नयाँ पार्टीमा २९ सांसद र ५५ केन्द्रीय सदस्यले हस्ताक्षर गरिसकेका छन् । बुधबार निर्वाचन आयोगमा सनाखत गर्न राष्ट्रियसभा र प्रतिनिधिसभाका २९ सांसद र ५५ केन्द्रीय सदस्य पुगेको नेकपा (एकीकृत समाजवादी)ले दाबी गरेको हो ।

कुल सांसदको २० प्रतिशत वा केन्द्रीय कमिटीको २० प्रतिशत पुगे दल विभाजन हुन सक्ने राजनीतिक दल विभाजनसम्बन्धी अध्यादेश जारी भएसँगै नेता माधव कुमार नेपाल नेतृत्वमा नयाँ पार्टी बन्ने भएको हो ।

उनीहरूको निवेदनअनुसार नेकपा एस दर्ता आयोगले आज सनाखत गरेको हो । आयोगले सनाखत गर्न आज बिहान ११ बजेदेखि दिउँसो २ बजेसम्मको समय दिएको थियो ।

पार्टीले ३१ सांसद र ६५ केन्द्रीय सदस्य उपस्थित हुने दाबी गर्दै आएको थियो ।