काठमाडौँ । जनता समाजवादी पार्टी (जसपा)बाट विभाजित भई महन्थ ठाकुर नेतृत्व लोकतान्त्रिक समाजवादी पार्टी (लोसपा)मा १४ जना सांसदले हस्ताक्षर गरेका छन् । निर्वाचन आयोगले आज दलको मान्याता प्राप्त गर्न सनाखत गर्न बोलाएसँगै १४ जना सांसद पुगेका थिए ।

ठाकुरको पक्षमा राजेन्द्र महतो, शरतसिंह भण्डारी, अनिलकुमार झा, लक्ष्मणलाल कर्ण, चन्दा चौधरी, निर्जला राउत, विमलप्रसाद श्रीवास्तव, उमाशंकर, एकवाल मियाँ, चन्द्रकान्त चौधरी रहेका छन् ।

यस्तै, दुलारीदेवी खँग खत्वे, कल्लुदेवी विश्वकर्मा, शेखरकुमार सिंहसमेतले उनको पक्षमा हस्ताक्षर गरेका छन् ।

१४ सांसदले सनाखत गरेसँगै लोसपा दर्ता हुने निश्चित भएको छ ।