काठमाडौँ । प्रदेश १ मा मुख्यमन्त्री परिवर्तन हुने भएको छ । नेकपा एमाले नेतृत्वमा रहेको मुख्यमन्त्री शेरधन राईले राजीनामा दिने भएसँगै मुख्यमन्त्री परिवर्तन हुने भएको हो ।

वर्तमान मुख्यमन्त्री राईकै प्रस्तावमा भीम आचार्य मुख्यमन्त्री बन्ने भएका हुन् । उनले आजै सपथ लिने तयारी भएको छ ।

आचार्यलाई एमाले प्रदेश १ मा दलको नेता चयन गर्न एमाले प्रदेश संसदीय दलको बैठक बस्ने भएकाे एक नेताले जानकारी दिए ।

यसअघि प्रदेश ३ का मुख्यमन्त्री डोरमणि पौडेलले मुख्यमन्त्री पदबाट राजीनामा दिएर अष्टलक्ष्मी शाक्यलाई प्रदेशको दलको नेतामा चयन गरी मुख्यमन्त्री बनाइएको थियो ।