काठमाडौँ । नेकपा एमाले प्रदेश १ मा संसदीय दलको नेता भीम आचार्य बनेका छन् । मुख्मन्त्री शेरधन राईको प्रस्तावमा उनी दलको नेतामा चयन भएका हुन् ।

संसदीय दलको नेतामा चयन भएसँगै उनी नयाँ मुख्यमन्त्री बन्ने भएका छन् । आचार्यलाई मुख्यमन्त्री बनाउँदा माधव नेपाल पक्षका कतिपय नेताहरू नेकपा एमालेमा नै बस्ने भएकाले उनलाई मुख्यमन्त्री बनाउन राईले पदबाट राजीनामा दिएका हुन् ।

राईले संसदीय दल र मुख्यमन्त्री पदबाट राजीनामा दिने भएसँगै आचार्य मुख्यमन्त्री बन्ने भएका छन् ।

मुख्यमन्त्री राईले आगामी दिनमा आफ्नो पूरै ध्यान पार्टी निर्माणमा केन्द्रीत हुने बताउँदै आएका छन् । २०७४ माघ २६ गते एमालेका ५१ सांसदमध्ये उनले २६ मत ल्याएर संसदीय दलका नेता निर्वाचित बनेका थिए ।