काठमाडौँ । प्रदेश १ मा नयाँ मुख्यमन्त्री नियुक्त भएको छ । बिहीबार निर्वतमान मुख्यमन्त्री शेरधन राईले राजीनामा दिएसँगै भीम आचार्य नयाँ मुख्यमन्त्रीमा नियुक्त भएका हुन् ।

राईको राजीनामा स्वीकृत भएसँगै प्रदेश प्रमुख सोमनाथ अधिकारी प्यासीले आचार्यलाई नयाँ मुख्यमन्त्रीमा नियुक्त गरेका हुन् । मुख्यमन्त्रीमा नियुक्त भएसँगै आर्चायले पद तथा गोपनीयतको सपथ लिइसकेका छन् ।

आजै निवर्तमान मुख्यमन्त्री राईले आचार्य सर्वसम्मत रूपमा दलको नेता चयन गरेका थिए । नेकपा एकीकृत समाजवादीका अध्यक्ष माधव कुमार नेपाल पक्षमा रहेका आचार्य मुख्यमन्त्री भन्ने भएसँगै नेकपा एमालेमा नै बसेका हुन् ।

मुख्यमन्त्री आर्चाय एमालेमा रहँदा ठूला मात्रामा नेता कार्यकर्ता एमालेमा नै बस्ने भएपछि उनलाई मुख्यमन्त्री बनाउन निर्वतमान मुख्यमन्त्री राई तयार भएका हुन् ।