काठमाडौँ । नेपाल कांग्रेसका उपसभापति विमलेन्द्र निधिले पार्टीको १४ औँ महाधिवेशन नजिकिँदै गर्दा सभापतिको उम्मेदवारी दिने बताएका छन् । आफ्नो सम्पर्क कार्यालय शुभारम्भ गर्दै उनले यस्तो बताएका हुन् ।

‘तपाईंहरूको समर्थनमा १४ औँ महाधिवेशनमा सभापतिको उमेदवार दिने तयारी गरेको छु,’ उनले भने, ‘यसका लागि मैले साइत जुराएर पुजा गरी सम्पक कार्यालय शुभारभ गरिसकेको छु ।’

पत्रकारसँग कुरा गर्दै उनले नेपाली कांग्रेसलाई देशभर रुख छापलाई जिताउन सफल हुने बताए । ‘आगामी चुनावमा पार्टीलाई एकाबद्ध बनाएर अगाडि लैजाने छौँ,’ उनले भने, ‘म कसैलाई रिटायर र पराजित गर्न अहिले सभापति उठ्न लागेको हैन ।’

यस्तै, उनले क्रियाशील सदस्यताको सूची अन्तिम अवस्थामा भएको बताउँदै जिल्ला सभापतिहरूको सूची सार्वजनिक गर्नु पर्ने बताए ।