काठमाडौ । नेपाली कांग्रेसको रामचन्द पौडेल पक्षको बैठक आज पनि बसिरहेको छ । बैठक नेता प्रकाशमान सिंह निवासमा बिहान ९ बजे सुरु भएको हो ।

शुक्रबार बेलुका बरिष्ठ नेता पौडेलले पार्टी सभापति शेरबहादुर देउवालाई भेटेका थिए । उक्त भेटमा महाधिवेशन केन्द्रित छलफल भएको थियो ।

उक्त भेटमा भएका छलफलका बारेमा आफु पक्षका नेताहरूलाई जानकारी दिने र आगामी महाधिवेशनका विषयमा छलफल गर्न बैठक बोलाइएको नेता सिंहका स्वकीय युपी लामिछानेले बताए ।

कांग्रेसको संस्थापन इतर पक्षको बैठक पछिल्ला दिन निरन्तर जस्तो बसिरहेको छ ।

महाधिवेशन गर्ने विषयमा सभापति देउवा र पाैडेल पक्षबीच सहमति भएकाे बैठकमा सहभागी एक नेताले बताए ।

केही दिनदेखि पाैडेल पक्षले कृयाशील सदस्यकाे नामावली सार्वजनिक गर्नुपर्ने भन्दै पार्टी कार्यालय सानेपामा रिले अनसन जारी राखेकाे छ भने शुक्रबार बसेकाे बैठकमा ७७ जिल्लामा एकै पटक अधिवेशन गर्नु पर्ने निणय गरेकाे थियाे ।