काठमाडौँ । नेकपा (एकीकृत समाजवादी)का अध्यक्ष माधवकुमार नेपालप्रति लक्षित गर्दै नेकपा एमालेका उपाध्यक्ष भिम रावलले कोही नेता कसैले धकेल्दा नधकेलिने बताएका छन् । उनले कोही नेता धकेलिँदा धकेलिने कस्तो नेता भन्दै प्रश्न गरी पछाडि फर्काउन खोज्दा फर्किन पनि सक्नु पर्ने बताए ।

‘कोही नेता कसैले अगाडि धकेल्दा धकेलिने रहेछन् भने पछाडि फर्काउन खोज्दा पछाडि पनि फर्किनु पर्ने हो,’ उनले भने ।

यस्तै, उनले द्वन्द्वको स्थितिमा अलगिने मनस्थिति हुन्छ भने सहमति भइसकेपछि एक भई मेलमिलाप गर्ने कुरा मुख्य हुने बताए । उनले थपे, ‘सत्य बुझ्न धेरै अध्ययनको आवश्यकता हुँदैन, जिम्मेवारीबोध महत्वपूर्ण कुरा हो ।’

शनिबार एक कार्यक्रममा अध्यक्ष नेपालले आफूलाई दोस्रो तहका साथीहरूले धकेलिदिएको बताएका थिए ।