काठमाडौँ । दार्चुलाको महाकाली नदीमा भएको घटनामा भारतीय सुरक्षा बल (एसएसबी) को संलग्नता रहेको ठहर गरिएको छ । दर्चुलाको व्याँस गाउँपालिका २ का जयसिंह धामी महाकालीमा तुइन तरेर भारतबाट सदरमुककाम खलंगा आउने क्रममा तुइनबाट खसेर महाकाली नदीमा बेपता भएका थिए ।

उक्त घटनाको छानबिन गर्न गठित समितिले घटनामा भारतीय एसएसबीको संलग्नता रहेको ठहर गरेको छ । मंगलबार गृहमन्त्री बालकृष्ण खाँणलाई प्रतिवेदन बुझाउदै समितिलले धामी तुइन तर्ने क्रममा भारतीय एसएसबी तुइन काटेको बताएको छ ।

समितिले एसएसबीको संगलनता सम्बन्धमा छानबिन गरी दोषिलाई कारबाही गर्न र धामीका परिवारलाई क्षतिपूर्ति दिन प्रतिवेदनमा उल्लेख गरिएको गृह मन्त्रालयले जनाएको छ । गृह मनत्रालयले विज्ञप्ती जारी गरेर प्रतिवेदनमा परिवारलाई सरकारका तर्फबाट शिक्षादीक्षाको व्यवस्थापन गर्न उल्लेख गरेको जनाएको छ ।

दार्चुलामा महाकाली नदी तर्दा तुइन चुँडिएर ३३ वर्षीय धामी १५ साउनमा बेपत्ता भएका थिए । उक्त घटनाको छानबिन गर्न १७ साउनमा गृहमन्त्रालयका सहसचिव जनार्दन गौतमको संयोजकत्वमा समिति बनाइएको थियो ।