काठमाडौँ । निर्वाचन आयोगले विवादास्पद निर्णय गरेको भन्दै नेकपा एमालेले मुद्दा दर्ता गर्ने भएको छ । दल दर्ताका क्रममा आयोगले विवादास्पद निर्णय गरेको भन्दै एमाले अदालत जाने भएको हो ।

केन्द्रीय कमिटी बैठकले गरेको निर्णयअनुसार आयोगविरूद्ध सर्वोच्च अदालतमा रिट निवेदन दिने तयारी भएको हो । एमालेले गत भदौ १ मा पार्टी विभाजनमा लागेको भन्दै वरिष्ठ नेता माधवकुमार नेपालसहित १४ जना प्रतिनिधिसभा सदस्यलाई पद मुक्त गर्ने निर्णय गरेको थियो ।

पार्टीले कारबाही गरेका १४ सहित ३० सांसदहरूले नयाँ दल दर्ता गर्दै सनाखत गर्न बोलाएको भन्दै एमालेले आयोगविरुद्ध मुद्दा दर्ता गर्ने भएको हो । आयोगले भदौ ९ गते बुधबार एमालेबाट विभाजित भई बनेको पार्टी नेकपा एकीकृत समाजवादीलाई राजनीतिक दलको प्रमाणपत्र दिएको थियो ।