काठमाडौँ । प्रदेश २ मा जनता समाजवादी पार्टी (जसपा)का १० जना प्रदेशसभा सदस्यहरूले लोकतान्त्रिक जनता समाजवादी पार्टी (लोसपा) रोजेका छन् । बुधबार जनकपुरधामस्थित प्रदेश निर्वाचन कार्यालयमा पुगेर उनीहरूले सनाखत गरेका हुन् ।

सनाखत गर्ने प्रदेश सांसदहरूमा परमेश्वर साह, सरिता साह, बाबुलाल साह, जानकीशरण शाह, जयनुल राइन, अलका झा, बबिता कुमारी, निलम देवी भुमिहारिन, रमेश प्रसाद कुर्मी र गौरीनारायण साह रहेका छन् । थप केही प्रदेश सांसदहरूले भोलि सनाखत गर्ने भएका छन् ।

प्रदेश २ मा तत्कालीन समाजवादी पार्टीबाट ३० र तत्कालीन राजपाको तर्फबाट २५ गरी बनेको जसपामा कूल ५५ प्रदेशसभा सदस्य रहेका थिए ।

सरकारले दल विभाजनसम्बन्धि अध्यादेश ल्याएसँगै नेकपा एमाले र जपसा विभाजन भएको हो । दल विभाजन भएसँगै प्रदेशसभा सदस्य र जनप्रतिनिधिहरूले आगामी भदौ २२ गतेसम्म दल रोज्न पाउने आयोगले जनाएको छ ।