काठमाडौँ । कक्षा १२ को परीक्षा ३० भदौबाट सञ्चालन हुने भएको छ । बुधबार बसेको राष्ट्रिय परीक्षा बोर्डको बैठकले कक्षा १२ को स्थगित परीक्षा ३० भदौबाट सञ्चालन गर्ने निर्णय गरेको हो ।

स्वास्थ्य मन्त्रालय, शिक्षा मन्त्रालय र कोभिड-१९ संकट व्यवस्थापन केन्द्रको सहमतिमा राष्ट्रिय परीक्षा बोर्ड परीक्षा सञ्चालन गर्ने निर्णय गरेको हो । बोर्डले परीक्षाको रुटिनसमेत प्रकाशित गरेको छ । परीक्षा ३० भदौदेखि ८ असोजसम्म होम सेन्टरबाट सञ्चालन हुने छ ।

यसअघि कक्षा १२ को परीक्षा दुईपटक स्थगित गरिएको थियो ।