काठमाडौं । नेपाली कांग्रेसको संस्थापन इतर पक्षले आसन्न १४ औं महाधिवेशनबारे धारणा सार्वजनिक गर्न आज पत्रकार सम्मेलन गर्ने भएको छ ।

ललितपुरको सानेपास्थित पार्टी कार्यालयमा दिउँसो २ बजे हुने पत्रकार सम्मेलनमा संस्थापन इतर पक्षका सबै शीर्ष नेता सहभागि हुने सो समूहले जनाएको छ ।

पार्टी सभापति नै आगामी कार्यकालका लागि पनि उठ्ने तयारी गरेपछि बरिष्ठ नेता रामचन्द्र पौडेल पक्षले एउटा साझा उम्मेदवार उठाउने तयारी गरेको छ ।

सो पत्रकार सम्मेलनबाटै सभापतिको उम्मेदवार समेत घोषणा गर्ने पौडेल समूहले तयारी गरेको छ । यद्धपी पौडेल समूहमा पनि सभापतिका आकांक्षी धेरै देखिएका छन् ।