काठमाडौं । कलाकार निशा घिमिरेको विहीबार पशुपति आर्यघाटमा दाहसंस्कार गरिएको छ। लामो समय नर्भिक अस्पतालमा उपचार गराइरहेकी निशाको बुधबार साँझ ६ः५१ बजे निधन भएको थियो।

नायिका तथा मोडल निशाको पशुपति आर्यघाटमा विहान गरिएको अन्त्यष्टिका क्रममा सिने कलाकारहरुका साथै विभिन्न क्षेत्रका ब्यक्तिहरुको उपस्थिति थियो ।

भारतमा सडक दुर्घटनामा परेर घाइते भएकी निशा लामो समयदेखि घरमै थला परेको अवस्थामा अस्पतालले गत जेठ २७ गते उद्धार गरेको थियो। अस्पतालको सीसीयूमा लगातार राखी उपचार गरिएकी निशाको सबै प्रयास गर्दा गर्दै निधन हुन पुगेको अस्पताल प्रशासनले उल्लेख गरेको थियो ।