काठमाडौं । देशभर २ हजार ४ जनामा कोरोना सङ्क्रमण थपिएका छन् । पछिल्लो २४ घण्टामा १४ हजार ६५० जनाको कोरोना परीक्षण गर्दा पीसीआर विधिबाट १ हजार ६१९ जना र एन्टीजेन विधिबाट ३८५ जनामा सङ्क्रमण पुष्टि भएको हो।

नेपालमा हाल ३३ हजार ९४६ सक्रिय सङ्क्रमित छन्। यसमध्ये ३१ हजार ६१९ जना होम आइसोलेसनमा, २ हजार ३२७ जना संस्थागत आइसोलेसनमा, ५४४ जना सघन उपचार कक्षमा र १६६ जना भेन्टिलेटरमा उपचाररत छन्।

कोरोना संक्रमणका कारण विहीबार थप १६ जनाको मृत्यु भएको छ । हालसम्म १० हजार ७८६ जनाको मृत्यु भइसकेको छ ।

त्यस्तै, पछिल्लो २४ घण्टामा १८ सय ४६ जना सङ्क्रमणमुक्त भएका छन्। कूल सङ्क्रमितमध्ये ७ लाख २१ हजार १८२ जना सङ्क्रमणमुक्त भइसकेको स्वास्थ्य मन्त्रालयले जनाएको छ ।