काठमाडौँ । नेपाली काँग्रेसले निर्वाचन निर्देशिका समावेशी बनाएको छ । कांग्रेसले स्थानीय तहमा महिला, दलित, आदिवासी, जनजाति, खस आर्य, मधेशी, मस्लिम, थारु, अल्पसंख्यक वा अपांगता भएका पार्टीको क्रियाशील सदस्य रहेको खण्डमा वडा कार्यसमिति सदस्य र क्षेत्रीय प्रतिनिधिको थप व्यवस्था गरिने बताएको छ ।

कांग्रेसले बिहीबार विज्ञप्ती जारी गर्दै यस्तो बताएको हो । कांग्रेसले ३० श्रावणमा बसेको केन्द्रीय कार्यसमितिको निर्णय अनुसार प्रतिनिधितवको व्यवस्था निर्वाचन निर्देशिका समितिको बैठकको सुझाव अनुसार निर्वाचन समितिले सहमतिमा टुङ्गो लगाएको जनाइएको छ ।

निर्वाचन समितिका संयोजक महादेवप्रसाद यादवको परामर्शमा सहमहामन्त्री प्रकाशशरण महत र केन्द्रीय सदस्य रिजालले सहमतिमा टुङ्गो लगाई पार्टी सभापति शेरबहादुर देउवालाई बुझाउने निर्णय गरिएको विज्ञप्तीमा उल्लेख गरिएको छ ।

कांग्रेस केन्द्रीय सदस्य तथा नेपाल दलित संघका अध्यक्ष मीन विश्वकर्माले महाधिवेशन प्रतिनिधि चयनमा दलितलाई उचित स्थान नदिएको भन्दै बुधबार दुबै पदबाट राजीनामा दिएका थिए ।