काठमाडौँ । आर्थिक पत्रकारहरूको छाता संगठन आर्थिक पत्रकार समाज (सेजन)को नयाँ नेतृत्वका लागि महाधिवेशन सुरु भएको छ । काठमाडौँको नयाँ बानेश्वरस्थित इन्द्रेणी फुडल्याण्डमा महाधिवेशन सुरु भएको हो ।

२२ औँ वार्षिक साधारणसभा एवं कार्य समिति चयनका लागि हुने अधिवेशनमा आज नेतृत्व चयन हुने भएको छ । १० जना निर्वाचित र एक जना मनोनित गरी ११ जनाको कार्य समितिका लागि २८७ जनाले मतदान गर्ने भएका छन् ।

सेजनको अध्यक्षमा आशिष ज्ञवाली, जनार्दन बराल र शिरोमणि ढुंगानाले उम्मेदवारी दिएका छन् । यस्तै, उपाध्यक्षमा कृष्ण रिजाल र सुजन ओलीले प्रतिस्पर्धा गर्ने भएका छन् भने भने महासचिवमा भागवत भट्टराई र विनय बञ्जराले उम्मेदवारी दिएका छन् ।

सचिवमा एलिजा उप्रेती, हिमा विक र हिमाल पौडेलले उम्मेदवारी दिएका छन् । कोषाध्यक्षमा कमला अर्याल, लक्ष्मी सापकोटा र सुजन ढुंगानाको उम्मेदवारी परेको छ । कार्य समिति सदस्यहरूमा चेतबहादुर अधिकारी, अच्युत पुरी, अमर बडुवाल, इशारा कोइराला, शंकरप्रसाद पण्डित र सोभित थपलियाले उम्मेदवारी दिएको निर्वाचन समितिले जनाएको छ ।