सुनसरी । नेकपा (एकीकृत समाजवादी) की नेतृ रामकुमारी झाँक्रीले हिजो एमसीसी पास गर्न कस्सिएका एमाले अध्यक्ष केपी ओलीले आज एमसीसीको विरोध गर्नु हाँस्यास्पद भएको टिप्पणी गरेकी छन् ।

शनिबार सुनसरीको इनरुवामा आयोजित पार्टीको प्रथम नगर कमिटीको भेलामा बोल्दै उनले एमसीसी पास गर्न हिजो ओली कस्सिएर लागेको दाबी गरिन् ।

‘खडग ओली हिजो एमसीसी पास गर्न कन्दनी सुक्र्याएर लागि परेको मान्छे आज एमसीसीको किन विरोध गर्दैछन्, झाँक्रीको प्रश्न थियो ।

एमाले अध्यक्ष केपी ओली र उपाध्यक्ष भीम रावल एमसीसीको बिरोधमा उत्रिएको भन्दै झाँक्रीले उनीहरुको चर्को आलोचना गरिन् ।

महाकाली सन्धिमा समेत राष्ट्रघात गरेका ओली र रावलले राष्ट्रवादलाई आफूलाई पायक पर्ने गरी ब्याख्या गर्ने गरेकाले पनि नयाँ पार्टी गठन गरेर अघि बढनु परेको झाँक्रीको भनाइ थियो ।

०५३ सालमा राष्ट्रघाती महाकाली सन्धि भएको उनले स्मरण गरिन् । महाकाली सन्धिलाई एमसीसी भन्दा पनि ठूलो राष्ट्रघात भनी टिप्पणी गरिन् ।
महाकाली सन्धिकाबेला भीम रावल र ओलीको पोजिशनकाबारेमा झाँक्रीले प्रश्न उठाइन् ।

ओलीको नेतृत्वमा रहेको एमालेको हालत सदभावना पार्टीको जस्तै हुने झाँक्रीले टिप्पणी गरिन् । उनले कम्युनिष्ट आन्दोलनलाई सत्यानाश बनाउने बाटोमा अघि बढेका ओलीले मुलुकलाई नै विघटनको दिशामा लैजाने प्रयास गरेपछि आफूहरुले सत्ताबाट हटाएको पटकपटक दोहो¥याएकी थिइन् ।