काठमाडौं । नेकपा एमाले जिल्ला कमिटी सुनसरीले पार्टीको विवाद समाधान गर्न भन्दै जेठ २ गतेअघिको अवस्थामा फर्किने भनी पार्टी केन्द्रले गरेको निर्णय नमान्ने भएको छ ।

पार्टी एकता कायम गर्न भन्दै पार्टी केन्द्रीय समितिको भदौ १० गतेको निर्णय अस्वीकार गर्ने एमालेको सुनसरी जिल्ला कमिटीले निर्णय गरेको हो ।

एमाले जिल्ला सचिवालय समितिको बैठकले जेठ २ गतेअघिको अवस्थामा जाँदा पार्टीको हितमा नहुने निश्कर्ष निकालेको छ ।

निरपेक्षरुप्मा जेठ २ को अवस्थाबाट मात्रै कमिटी सञ्चालन गर्ने विषय जिल्लामा पार्टी हितमा नहुने एमाले सुनसरीले स्पष्ट गरेको छ ।

‘विगतमा पार्टीको विपक्षमा रहेका ब्यक्तिहरुलाई जस्ताको तस्तै स्थापित गर्दा पार्टीको हितमा नहुने, पाटीले गतिशीलता प्राप्त गर्न नसक्ने हुँदा पार्टी केन्द्रीय समितिको निर्णयलाई सुनसरी जिल्लाको वस्तुगत अवस्था र बर्तमान यथार्थलाई सम्बोधन गर्ने गरी रचनात्म ढंगले कार्यान्वय गरिनुपर्छ ।’ पार्टी अध्यक्ष रेवतीरमण भण्डारीद्वारा जारी विज्ञप्तिमा जनाइएको छ ।