धरान । धरानको बीपी प्रतिष्ठानमा लिम्बुवान कार्यकर्ताहरुले तोडफोड गरेका छन् ।

विपी प्रतिष्ठानका चिकित्सकहरुको आन्दोलनको विरुद्ध उत्रिएका संघीय लिम्बुवान मञ्चका कार्यकर्ताहरुले प्रतिष्ठानमा पसेर तोडफोड गरेका हुन् ।

उनीहरुले सोमबार प्रतिष्ठान परिसरमा प्रवेश गरेर उपकुलपतिको कार्यकक्षमा तोडफोड गरेका छन् ।

स्वास्थ्य सेवा बन्द गरिएको बिरोधमा लिम्बुवान कार्यकर्ताहरुले आन्दोलनकारीले लगाएको तालाबन्दी फुटाएर सेवा सञ्चालन गर्न दबाब दिएका छन् ।

प्रतिष्ठानका चिकित्सकहरुले उपकुलपतिसहितका पदाधिकारीको कार्यकक्षमा तालाबन्दी गर्दै ओपीडी लगायतको सेवा अवरुद्ध गरेका थिए । प्रतिष्ठानका चिकित्सक, नर्स लगायतका स्वास्थ्यकर्मी सेवा ठप्प पारी आइतबारदेखि आन्दोलनमा छन् ।

राजनीतिक दलहरुले आफूहरुको आन्दोलनलाई बिथोल्ने काम गरेर द्वन्द्व बढाएको आन्दोलनरत चिकित्सकहरुले बताएका छन् ।

एमाले, राप्रपा, लिम्बुवान लगायतका दलहरुले आइतबार मात्रै विज्ञप्ति जारी गरी चिकित्सकहरुको आन्दोलन फिर्ता गरी सेवा सूचारु गर्न आग्रह गरेका थिए ।