काठमाडौँ । नेकपा माओवादी केन्द्रको भातृ संगठन योङ कम्युनिष्ट लिग नेपाल (वाइसीएल)को पहिलो केन्द्रीय समिति बैठकले संयोजक र सह संयोजक तोकेको छ । राष्ट्रिय भेलाले पदाधिकारी चयन गर्न नसकेपछि केन्द्रीय समिति बैठकबाट नेतृत्व टुंग्याउने जनाइएको थियो ।

आज राजधानीको गौशालास्थिति अनुपम पार्टी प्यालेसमा बसेको केन्द्रीय समिति बैठकले संयोजकमा सुमन देवकोटा ‘अब्दुल’ र सह संयोजकमा सुबोधराज सेर्पालीलाई जिम्मेवारी दिएको हो ।

वाइसीएल नेपालका पहिलेका परम्परालाई तोड्दै योपटक जिम्मेवारी दिने विषयमा नयाँ अभ्यास थालिएको हो । आकाक्षी ब्यवस्थापन गर्न र सहमतिमा नेतृत्व चयन गर्न नसकेपछि पार्टीले हस्तक्षेप गर्नुपरेको थियो । प्रचण्डले भेलामा सहमतिमा नेतृत्व चयन गर्न भनेका थिए, त्यसो गर्न नसके ५ दिनभित्र आफुसहित बसेर टुग्याउने वताएका थिए । त्यसपछि आज वाइसिएलको भेलावाट निर्वाचित केन्द्रीय समिति बैठकले संयोजक र सहसंयोजक बनाई नेतृत्व टुग्याएको हो ।

माओवादी शान्ति प्रक्रियामा आएपछि गणेशमान पुन ‘रश्मी’को नेतृत्वमा गठन भएको वाइसीएल नेपालले तत्कालीन महासचिव रामचन्द्र (आरसी) शर्मा ‘विज्ञान’लाई अध्यक्षको जिम्मेवारी दिइएको थियो ।

वाइसिएलको नेतृत्वको लागि उपाध्यक्ष रहेका सुमन देवकोटा, महासचिव रहेका सुवोध श्रीपाइली मुख्य आकाक्षी थिए ।

अव राष्टिय सम्मेलनसम्म समुन संयोजक र श्रीपाइएली सहसंयोजक रहने र अन्य नेताहरु सदस्य रहने गरी वाइसिएलले नेतृत्व सम्वन्धी विवाद हल गरेको हो ।

पदाधिकारी सहितको नेतृत्व चयनमा असफल भएपछि माओवादी केन्द्रले पार्टीको साहायक संगठनको रुपमा रहेको वाईसिएलको राष्ट्रिय सम्मेलन आगामी फाुगनमा गर्ने र त्यसवेला सम्म देवकोटा संयोजक र श्रीपाइली सहसंयोजक रहने गरी राष्ट्रिय सम्मेलन आयोजक समिति बनाउने निर्णय लिएको हो ।