काठमाडौं । पपुवा न्युगिनीविरुद्धको पहिलो एकदिवसीय अन्तर्राष्ट्रिय क्रिकेटमा नेपाल विजयी भएको छ । नेपालले पपुवा न्युगिनीलाई दुई विकेटले पराजित गरेको हो ।

ओमानको अल अमिरात क्रिकेट मैदानमा पपुवा न्युगिनीले टस जितेर पहिले ब्याटिङ रोजेको थियो । पपुवा न्युगिनीले निर्धारित ५० ओभरको खेलमा ३३ ओभरमा सबै विकेट गुमाएर १३४ रन बनायो । नेपालले १३५ रनको विजयी लक्ष्य ३९ दशमलव तीन ओभरमा आठ विकेट गुमाउँदै पूरा ग¥यो । नेपालका लागि रोहितकुमार पौडेलले सर्वाधिक ४१ रन बनाए । उनले ६५ बल खेल्दै दुई चौका प्रहार गरे ।

प्रारम्भिक ब्याटसम्यान आशिफ शेखले ३० रनको योगदान गरे । उनले ४६ बलमा चार चौका प्रहार गरे ।

सोमपाल कामीले ३२ बलमा एक छक्का र एक चौकाको मद्दतमा २२ रन बनाए भने कुशल भुर्तेलले १५ रन जोडे ।

बलिङतर्फ पपुवा न्युगिनीका गौडी टोकाले तीन, डामिन राभु र चाड सोपरले दुईरदुई तथा नोसिना पोकानाले एक विकेट लिएका थिए ।

पपुवा न्युगिनीका लागि लेगा सिकाले सर्वाधिक ३० रन बनाएका थिए । यस्तै चाल्र्स अमिनीले २३, गौडी टोकाले २२, चाड सोपरले अविजित १७, किप्लिन डोरिगाले १५, सेसे बाउले १४ र कप्तान असाद भालाले चार रन जोडेका थिए ।
टोनी उरा र नोसिना पोकाना एक÷एक रनमा समेटिदा जासन किला र डामिन राभु सून्य रनमा पेभेलियन फर्किए ।

बलिङतर्फ नेपालका विक्रम सोब र कुशल मल्लले दुई दुई विकेट लिए भने सोमपाल कामीले एक विकेट लिएका थिए ।