काठमाडौं । नायिका ऋचा शर्माको पुत्र लाभ भएको छ । पहिला सन्तानको रुपमा उनले छोरालाई जन्म दिएको टिभी रियालिटी शो कमेडी च्याम्पियनले जनाएको छ ।

कमेडी च्याम्पियनले ऋचा आमा बनेको पुष्टिसहित सामाजिक सञ्जालमा बधाइ दिएको छ । ऋचाले गत साता कमेडी च्याम्पियनबाट सुत्केरी विदा लिएकी थिइन् ।

शर्माले बुधबार बिहान थापाथलीस्थित नर्भिक इन्टरनेशनल हस्पिटलमा स्वस्थ शिशुलाई जन्म दिएकी हुन् । बिहान ७ः५२ बजे अभिनेत्री शर्माले छोरालाई जन्म दिएकी हुन् ।

शल्यक्रियाबाट जन्मिएको नवजात शिशुको तौल ३.१४ किलोग्राम रहेको छ । आमा(शर्मा) र नवजात शिशुको स्वास्थ्य अवस्था स्थिर र सामान्य रहेको छ ।