न्यूयोर्क । न्यूयोर्कमा अमेरिकन कलाकार संघको नयाँ कार्यसमिति निर्विरोध निर्वाचित भएको छ । निशा सुनारको अध्यक्षतामा नेपाली अमेरिकन कलाकार संघको १७ सदस्यीय कार्यसमिति निर्विरोध निर्वाचित भएको हो ।

न्युयोर्कको ज्याक्सन हाइटस्थित नेपाली भान्साघरको हलमा भएको संघको पाँचौँ अधिवेशनले कार्य समितिको प्रमुख संरक्षकमा अभय ढुंगेल, वरिष्ठ उपाध्यक्षमा वसन्ती राई, उपाध्यक्षमा विक्की पुलामी, विमल डाँगी, ईथ्ना कार्की र राजेन्द्र राई, महासचिवमा संगीता थापा, सचिवमा मधुकुमार गिरी, कोषाध्यक्षमा पुष्कर वराल, सहकोषाध्यक्षमा पूजा न्यौपाने चयन भएका छन् ।

यस्तै सदस्यहरुमा चिनियालाल श्रेष्ठ, बुद्धिमान घिसिङ , पुष्पा बस्नेत, नविन श्रेष्ठ र माया राई चयन भएका छन् ।

यस्तै, युथ कोर्डिनेटरमा दिलिपकुमार श्रीस निर्विरोध निर्वाचित भएका छन् ।

न्युयोर्कस्थित नेपाली महावाणिज्य दूतावासका वाणिज्यदूत विष्णुप्रसाद गौतम तथा नेपाल जनजाति महासंघका अध्यक्ष लोक चेमजोङको उपस्थितिमा भेला सम्पन्न भएको थियो ।