काठमाडौं । प्रमुख प्रतिपक्षी एमालेले सभामुख अग्नि सापकोटा प्रति लक्षित गदै सदनमा प्रश्न उठाएर संसदमा नारावाजी गरेपछि सभामुखले संसद बैठक १५ मिनेटका लागि स्थगित गरेका छन् ।

एमाले सांसदले अगाडी आएर नारावाजी गर्ने र सभामुखले एमालेले कारवाही गरेका १४ सांसदलाई पदमुक्त नगरी पूर्वाग्रही ब्यवहार देखाएको भन्दै नारावाजी गरेका थिए ।

बैठकको शुरुमै एमाले प्रमुख सचेतक विशाल भटटराईले बोलेपछि एमाले सांसदहरुले रोष्टमको अगाडी पुगेर नारावाजी गरेका थिए । त्यसक्रममा सभामुखको ब्यवहार मुर्दावाद सम्मका नारा एमाले सांसदहरुले लगाएका थिए ।

त्यसपछि सभामुख सापकोटाले शुरुमै लिखित प्रष्टीकरणको रुपमा र पछि नारावाजी चलिरहेकै बेलामा पनि संविधानको धारा १०५ र प्रतिनिधिसभा नियमावली २१ को खण्ड ख, ग र घ को कुरा निरन्तर उठाउँदै त्यसमा आर्कषित भएको वताईरहेका थिए ।

आखिर के छ त त्यसमा ?

संविधानको धारा १०५
संविधानको धारा १०५ मा अदालतमा विचाराधीन कुनै पनि विषयमाथि संसदमा बसह गर्न बन्देज गरेको छ।

प्रतिनिधिसभा नियमावली २१ को खण्ड ख, ग र घ मा सभामुखले पद आचरणको छलपल नगरेको भन्ने विषयमाथिको छलफल बाहेक सभामुखको आचराणको आलोचना गर्न नहुने, सभामुखको कुनै पनि निर्णयको आलोचना गर्न नहुने र सभामुखमाथि कुनै पनि आपत्तिजनक शब्द बोल्न नहुने उल्लेख छ।

हेर्नुहोस् नियमावलीको ब्यवस्था