काठमाडौँ । मन्त्रीपरिषद्को बैठक बस्ने भएको छ । प्रधानमन्त्री निवास बालुवाटारमा शुक्रबार बिहान ११ बजेर ४५ मिनेटमा मन्त्रिपरिषद्को बैठक बस्ने प्रधानमन्त्रीको सचिवालयले जनाएका छ ।

आजको मन्त्रिपरिषद् बैठकले अमेरिकी सहयोग परियोजना एमसीसीलाई प्रतिनिधि सभामा लैजाने निर्णय गर्ने बताइएको छ । सत्ता पक्षीय गठबन्धको बैठकपछि मन्त्रिपरिषद्को बैठक बस्न लागेको हो । सत्ता पक्षीय गठबन्धनको बैठकमा एमसीसीबारे छलफल हुने जनाइएको छ ।

उक्त बैठकमा एमसीसी संसदबाट पारित गर्ने सहमति जुटेमा मन्त्रिपरिषद्को बैठकबाट निर्णय गरेर प्रतिनिधि सभाको बैठकमा पेश गर्ने बताइएको छ । एमसीसी सम्झौता कार्यान्वयनको प्रगतिबारे बुझ्न एमसीसी उपाध्यक्ष फातिमा सुमार नेतृत्वको टोली बिहीबार काठमाडौं आएको छ ।