काठमाडौँ । पूर्व मन्त्री तथा नेपाली कांग्रेसका नेता मोहमद अफताब आलमको रिट निवेदन ‘हेर्न नमिल्ने’मा राखिएको छ । रौतहट बम विस्फोटको योजनाकार तथा घाइते भएका व्यक्तिहरूलाई जिउँदै जलाएको आरोपमा शुक्रबार सुनवाई हुने भएको थियो ।

आलमले थुनामुक्त भई साधारण तारेखमा मुद्दा लड्न पाउँ भन्दै सर्वोच्च अदालतमा रिट निवेदन दिएका थिए । उनको रिट न्यायाधीश दीपककुमार कार्की र हरि फुयालको संयुक्त इजलासमा पेशी चढेको थियो । न्यायाधीश फुयालले हेर्न नमिल्ने भएपछि सुनुवाई हुन नसकेको हो ।

पुर्पक्षका लागि थुनामा रहेका आलम हाल नख्खु कारागारमा छन् । उनको रिट निवेदन अहिलेसम्म ९ पटक पेशीमा चढे पनि सुनुवाई रोकिदै आएको छ ।