काठमाडौँ । नेपाल विद्युत् प्राधिकरणका पूर्व कार्यकारी निर्देशक हितेन्द्रदेव शाक्यको रिटमा सुनुवाई हुन सकेन । सर्वोच्च अदालतमा शुक्रबार प्रधानन्यायाधीश चोलेन्द्र शम्शेर जबराको इजलासमा पेसी तोकिएको थियो ।

तर कानुन व्यवसायीका तर्फबाट सुनुवाई स्थगितको माग भएपछि सुनुवाई हुन नसकिएको हो । सरकारले विद्युत प्राधिकरणको कार्यकारी निर्देशकमा कुलमान घिसिङलाई नियुक्त गरेपछि उनी विरुद्ध शाक्यले सर्वोच्चमा रिट दायर गरेका थिए ।

यसअघि भदौ ८ मा प्रधानन्यायाधीश जबराले घिसिङ र शाक्यलाई नियुक्त गर्दाको सक्कल फायल झिकाउन आदेश दिएका थिए ।