काठमाडौँ । गृहमन्त्री बालकृष्ण खाँणले राष्ट्रियसभामा राजनीतिक दलसम्बन्धी अध्यादेश पेश गरेका छन् । प्रमुख प्रतिपक्षी दल नेकपा एमालेको तीव्र विरोधका बीच उनले अध्यादेश पेश गरेका हुन् ।

बैठक सुरु भएसँगै एमाले सांसदहरूले उठेर विरोध जनाएका थिए । गृहमन्त्री खाँणले अध्यादेश पेश गरेसँगै आ–आफ्नो आसनमा बसेका थिए ।

यससँगै आजको बैठकमा महेन्द्र शेरचन र जेबी टुहुरेको निधनमा शोक प्रस्ताव पास गरी आगामी २८ गते दिउँसो १ बजे बस्ने गरी स्थगित गरिएको छ ।