काठमाडौँ । प्रतिनिधिसभा बैठक १५ मिनेटका लागि स्थगित भएको छ । आज दिउँसो १ बजेदेखि सुरु भएको बैठकमा प्रमुख प्रतिपक्षी दल नेकपा एमालेका सांसदहरूले विरोध गरेसँगै स्थगित गरिएको हो ।

बैठक सुरु हुनासाथ एमालेका सांसदहरूले विभिन्न माग राख्दै नारा जुलुस लगाएका थिए । यस क्रममा सभामुख अग्निप्रसाद सापकोटाले बारम्बार बैठक सुरु गर्न आग्रह गरेका थिए ।

तर, नाराबाजी गरिरहेका एमालेका सांसदहरूले विरोध गर्न नछाडेपछि बैठक स्थगित भएको हो ।