काठमाडौँ । प्रतिनिधिसभा बैठक पुनः सुरु भएको छ । नेकपा एमालेको अवरोधका कारण १५ मिनेटका लागि स्थगित भएको बैठक पुनः सुरु भएको हो ।

आज दिउँसो १ बजेदेखि सुरु भएको बैठकमा प्रमुख प्रतिपक्षी दल एमालेका सांसदहरूले विरोध गरेपछि सभामु अग्निप्रसाद सापकोटाले बैठक स्थगित गरेका थिए । तर, बैठक सुरु भएपनि एमालेले संसद् बैठकलाई अवरोध गर्ने बताएको छ ।

बैठकमा एमालेका सांसदहरूले विभिन्न माग राख्दै नारा जुलुस लगाउदै आएका छन् । बैठकमा सभामुख सापकोटाले चल्न दिन आग्रह गरेका थिए । तर, नाराबाजी गरिरहेका एमालेका सांसदहरूले विरोध गर्न नछाडेपछि बैठक स्थगित गरिएको थियो । अहिले भने एमालेको अवरोधका बीच पनि सभामुख सपकोटाले बैठकलाई अगाडि बढाएका छन् ।