काठमाडौं । नेकपा एमालेका सांसद सुरेन्द्र पाण्डेले सबै दलको सहमतिबिना प्रतिस्थापन विधेयक ल्याइनु राम्रो नभएको बताएका छन् ।

अर्थमन्त्री जनार्दन शर्माले शुक्रबार प्रतिनिधिसभामा प्रतिस्थापन विधेयक पेश गरेपछि प्रतिक्रिया दिँदै सांसद पाण्डेले जनताका प्रतिनिधिको छलफलमा मात्र प्रतिस्थापन विधेयक ल्याइनु पर्ने भन्दै तत्काल पेश गर्नुमा कुनै हतारो नभएको औँल्याउए ।

‘प्रतिस्थापन विधेयक ल्याइनु राम्रो कुरो होइन, संसद भित्र सबैको सहमति लिएर रिप्लेशमेण्ट विधेयक ल्याउनु राम्रो हुन्थ्यो ।’ उनले भने ।

प्रतिस्थापन विधेयक वातावरण बनाएर ल्याउनु पर्नेमा त्यो हतारो गरी आजको आजै ल्याउनुपर्ने अवस्था नभएको उनको भनाइ छ ।

यो विषयमा सर्वदलीय छलफल, सहमतिबाट गरेको भए धेरै राम्रो सांसद पाण्डेले प्रतिक्रिया दिए ।