काठमाडौँ । नेकपा एमालेका अध्यक्ष केपी शर्मा ओलीले प्रतिनिधिसभाको बैठकमा मर्यादापालकहरू आफ्नो स्थानमा बस्नु पर्ने बताएका छ । आज बसेको पार्टीको संसदीय दलको बैठकमा बोल्दै उनले मयादापालकहरू आफ्नो स्थानमा बस्नु पर्ने बताएका हुन् ।

बैठकमा बोल्दै अध्यक्ष ओलीले संसदभित्र सरकार प्रतिपक्षी दलसँग मुठभेट गर्न मात्रै खोजेको आरोप लगाए । उनले सरकार जनताको काममा नभई प्रतिपक्षीसँग मैदानमा उत्रिन खोजेको आरोप लगाए ।

‘म सत्ता पक्षलाई भन्न चाहन्छु, हामीसँग मुठभेटमा उत्रिने काम नगरोस्, हामी पनि आफ्नै नीति नियमा बसी काम गर्दछौँ,’ उनले भने, ‘संसदमा व्यक्तिगत रिसिवी लिने होइन ।’

यस्तै, उनले सरकार कुन बाटो जान लागेको हो भनेर प्रश्न गरेका थिए । उनले भने, ‘दुई महिना भयो, जनताको पक्षका के काम गरे ? विकासको काम कहाँ गए ?’