काठमाडौं । मोटरसाइकल र स्कुटरको मूल्य फेरि बढ्ने भएको छ ।

१ सय २५ सीसीदेखि १ सय ५५ सीसी सम्मका तयारी मोटरसाइकल आयात हुँदा महंगो हुने भएको छ । मोटरसाइकल तथा स्कुटरको सडक सम्भार शुल्क पनि बढाइएको छ । यी इन्जिन क्षमताका मोटरसाइकलको सडक दस्तुर प्रतिगोटा ३ हजार रुपैयाँ बढाइएको छ ।

यामाहा, सुजुकी, हिरो, हिरो हक, होण्डा, अप्रिलिया, भेष्पा, जिस्कर लगायतका विभिन्न ब्राण्डका विभिन्न मोडलका बाइक तथा स्कुटरमा बढेको छ ।

यामाहाका मात्रै ८ मोडलको मूल्य बढ्नेछ । जस अन्तर्गत यामाहा एन म्याक्स–१५५ सीसी, यामाहा एसजेड–१५० सीसी, यामाहा एफजेड १६ एफआई–१५० सीसी, यामाहा एफजेडएस एफआई भीथ्री–१५० सीसी, यामाहाको मूल्य बढ्नेछ ।

यस्तै, एमटी १५–१५५ सीसी, यामाहा आर १५–१५५ सीसी, सुजुकी जिक्सर एसएफ १५०–१५४.९सीसी, जिक्सर १५०–१५४.९ सीसी, जिक्सर डीटीडीडी–१५४.९ सीसी, हिरो हंक १५० आर–१५० सीसी, होन्डा सीबी युनिकर्न–१५० सीसी, अप्रिलिया एसआर–१५४.८ सीसी, भेष्पा भीएक्सएल–१४९, सीसी बेनेली जेन जेरो–१५० सीसी, यामाहा एफजेड एफआई भीथ्री–१५० सीसी, यामाहा एफजेडएस एफआई डीडी–१५० सीसी बाइक तथा स्कुटरको मुल्य बढ्नेछ ।

प्रतिस्थापन विधेयमार्फत १२५ सीसी ननाघेका मोटरलाइलमा ४० प्रतिशत, १२५ देखि २ सय सीसीसम्मको इन्जिन क्षमता भएका मोटरसाइकलमा ५० प्रतिशत र २ सय सीसीदेखि २५० सीसी सम्मका मोटरसाइलकमा ६० प्रतिशत अन्तशुल्क लाग्ने व्यवस्था गरेकाले बाइक तथा स्कुटरको मुल्य बढ्नेछ ।

नेपालमै एसेम्बल हुने बजाज र टीभीएस मोटरसाइकलको मूल्य भने खासै नबढ्ने अर्थमन्त्रालयले जनाएको छ । तर, प्रतिगोटा ३ हजार रुपैयाँ सडक दस्तुर शुल्क बढेको हुनाले नेपालमै एसेम्बल हुने बाइकको मूल्य थोरैले बढ्ने छ ।

बाइक तथा स्कुटरको मुल्य बढेका कारण बाइक तथा स्कुटर किन्नै गाहो भएको सर्वसाधारणले जनाएका छन् ।