काठमाडौं । पछिल्लो २४ घण्टामा थप एक हजार ४८६ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १६ हजार ५३९ जनाको गरिएको पीसीआर परीक्षणमा १ हजार ४८६ जनामा कोरोना पुष्टि भएको छ ।

सोही अवधिमा १ हजार २६० जना संक्रमणमुक्त भएका छन् । देशभर सक्रिय संक्रमितको कुल संख्या २६ हजार ६३० पुगेको छ ।
पछिल्लो २४ घण्टामा कोरोनाबाट थप १६ जनाको मृत्यु भएकोसँगै ज्यान गुमाउनेको कुल संख्या १० हजार ९६५ पुगेको छ ।

कुल संख्या पीसीआर विधिबाट भएको परीक्षणमा ७ लाख ७८ हजार ३१२ र एन्टिजेन विधिबाट भएको परीक्षणमा ८७ हजार ३१ जना पुगेको छ । संक्रमितमध्ये हालसम्म ७ लाख ४० हजार ७१७ संक्रमणमुक्त भएका छन् ।