काठमाडौँ । बागमती प्रदेशमा नेकपा एकीकृत समाजवादी (एस)को नेतृत्वमा गठबन्धन सरकार निमार्ण गर्न प्रक्रिया अगाडि बढाउने भएको छ । पार्टीका प्रदेश नेता राजेन्द्रप्रसाद पाण्डेको समन्वयमा गठबन्दन दलसँग छलफल गरी नयाँ सरकार बनाउने भएको हो ।

आज बसेको संसदीय दलको बैठकले नेता पाण्डेको नेतृत्वमा गठबन्धन सरकार बनाउने विषयमा छलफल भएको हो । बैठकले वर्तमान मुख्यमन्त्री अष्टलक्ष्मी शाक्या अल्पमतमा परेको भन्दै नयाँ सरकार गठन गर्ने प्रक्रिया अगाडि बढाउने भएको हो ।

बैठकले संसदीय दलको उपनेतामा कृष्णप्रसाद खनाल चयन गरेको छ । यस्तै, पार्टीले प्रमुख सचेतकमा मुनु सिग्देल र सचेतकमा बसुन्धारा हुमागाई चयन गरेको छ ।