काठमाडौं । नेपालमा पछिल्लो २४ घण्टामा १ हजार ६६ जनामा कोरोना भाइरसको संक्रमण पुष्टि भएको छ ।

देशभरका विभिन्न प्रयोगशालामा गरिएको ८ हजार ५४० जनाको पीसीआर परीक्षणमा ८ सय ३५ र २ हजार ८१८ जनाको एन्टिजेन विधिबाट गरिएको परीक्षणमा २३१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा थप १६ जना कोरोना संक्रमितको मृत्यु भएको छ । संगै अहिलेसम्म कोरोना संक्रमणवाट ११ हजार २८ जनाको मृत्यु भइसकेको छ ।

नेपालमा कोरोना संक्रमणबाट मृत्यु हुने दर १.५ प्रतिशत रहेको मन्त्रालयले जनाएको छ ।

पछिल्लो २४ घण्टाकै अवधिमा नेपालका विभिन्न अस्पतालबाट १ हजार २३४ जना कोरोना संक्रमणमुक्त भएको पनि स्वास्थ्य मन्त्रालयले जानकारी दिएको छ ।

योसँगै नेपालमा अहिलेसम्म ७ लाख ४८ हजार ८०० जना कोरोनामुक्त भएका छन् ।

नेपालमा अहिलेसम्म ४० लाख ८५ हजार ७९६ पिसिआर परीक्षण भएको छ भने ५ लाख ३४ हजार ९९४ एन्टीजेन परीक्षण गरिएको छ । मन्त्रालयकाअनुसार अहिले २४६ जना क्वारेन्टाइनमा छन् भने देशभर २५ हजार ८२ जना सक्रिय संक्रमित छन् ।