काठमाडौँ । नेपाली कांग्रेसका नेता प्रकाशमान सिंहले कम्युनिस्ट प्रधानमन्त्रीहरू बिफल भएपछि कांग्रेसले देशलाई संविधान दिएको बताएका छन् । संविधान दिवसको अवसरमा शुभकामना दिदै नेता सिंहले कांग्रेसका तत्कालिन सभापति सुशील कोइरालाको नेतृत्वमा संविधानसभाबाट संविधान जारी भएको ऐतिहासिक दिन भएको बताए ।

उनले संविभानको कार्यान्वयनको सुरु पनि कांग्रेसका सभापति शेर बहादुर देउवाले सुरु गरेको बताए । संविधानको सबैभन्दा धेरै अपनत्व र सफल कार्यान्वयनका लागि नेपाली कांग्रेस गम्भीर रहेको उनले बताए ।

उनले भने, ‘संघीयता, समावेशिता धर्मनिपरेक्षता जस्ता परिवर्तनका मुद्दाहरूलाई सम्बोधन गर्ने गरि बनेको संविधानले वास्तविक परिवर्तनको अनुभूति गराएको छ । नेपाली जनताको लामो संघर्ष र बलिदानबाट प्राप्त संघीय लोकतान्त्रिक गणतन्त्र नेपालको संविधान सफल कार्यान्वयन गर्नुको अर्को विकल्प छैन । संविधानको सफल कार्यान्वयनमार्फत देशलाई स्थायित्व र समृद्धिको बाटोमा लैजान नेपालका कम्युनिस्ट पार्टीहरूले सक्दैनन् भन्ने विगतले देखाइसकेको छ ।’ उनले देशलाई स्थायित्व र समृद्धिको मार्गका लैजान कांग्रेसले मात्रै सक्ने बताए ।