काठमाडौँ । नेपालमा प्रधानमन्त्री शेरवहादुर देउवाले ७२ दिनसम्म पनि सरकार विस्तार गर्न नसकिरहेका बेला आजै एक जना परराष्टमन्त्री भने थपिदैछन् । संयुक्त राष्ट्रसंघको ७६ औं महासभामा नेपालका तर्फवाट प्रतिनिधित्व गर्ने गरी कांग्रेस नेता नारायण खडकालाई परराष्ट्रमन्त्रीमा नियुक्त गरेर सरकारले बैठकमा भाग लिन पठाउँदैछ ।

सपथ लिएपछि खडका आजै वेलुकी ८ बजे न्यूयोर्क जाने तयारीमा जुटिसकेका छन् ।

मुख्यतः उनको राष्टसंघको महासभामा नेपालको प्रतिनिधित्व गर्ने र न्यूयोर्कमै सार्क परराष्टमन्त्रीहरुको ‘साइडलाइन’ वार्ता गर्ने वताईएको थियो । सेक्टेम्वर २५ मा सार्क परराष्ट्रमन्त्रीको साइडलाइन वार्ता हुने मिति तय भएको थियो ।

नेपालले परराष्टमन्त्री त पाएको छ । तर अचानक सार्कको परराष्टमन्त्रीहरुको न्यूयोर्कमा हुन लागेको सार्क परराष्टमन्त्रीहरुको साइडलाइन बैठकम भने स्थगित भएको छ ।

सदस्य राष्ट्रहरूबीच सहमति नजुटेकाले बैठक स्थगित भएको सार्क सचिवालयले जनाएको छ ।

सार्क सचिवालयबाट सबै सदस्य राष्ट्रका परराष्ट्र मन्त्रालयलाई बैठक स्थगित भएको जानकारीसहितको पत्र पठाइसकिएको छ । सार्कको अध्यक्षसमेत रहेको नेपालको परराष्ट्र मन्त्रालयले सेप्टेम्बर २५ मा हुने भनिएको सहमति नजुटेकाले साइडलाइन बैठक नहुने जानकारी दिएको थियो ।

साइडलाइन बैठकमा कम्तीमा सार्कका ८ मध्ये ६ मुलुक सहभागी हुनुपर्ने भए पनि सहमति नजुटेको बताएको छ । अफगानिस्तानमा हालै तालिवानीले सरकार निर्माण गरेको र उनीहरुको सहभागिता अन्यौल थियो । तर पाकिस्तानले पनि अफगानिस्तानको सहभागितामा जोड गरेपछि अफगानिस्तान सहभागी नभई बैठक राख्न अश्वीकार गरेको थियो । त्यसो हुँदा २ राष्ट छुटने लगभग देखिएपछि वैठक अन्तिम समयमा आएर स्थगित गरिएको हो ।

भारतीय सञ्चारमाध्यमहरूले पाकिस्तानले बैठकमा अफगानिस्तानबाट पनि सहभागिता हुनपर्ने कुरामा जोड दिएको तर नेपाल, भारत लगायतले अफगानिस्तान सरकारलाई औपचारिक मान्यता नदिई पर्ख र हेरको नीतिमा रहेकोले पाकिस्तानको उक्त अडानका कारण साइडलाइन बैठक स्थगित हुन पुगेको उल्लेख गरेको छ ।

लामो समयदेखि सार्कको बैठक समेत प्रभावित हुदै आईरहेको थियो । न्यूयोर्कमा हुने परराष्टमन्त्रीहरुको साइडलाइन बैठकले देखिएको गतिरोध तोडेर बैठकको लागि बाटो खोल्ने अनुमान गरिएको थियो । तर बैठक नै स्थगित भएपछि सार्कको बैठकमा थप अन्यौलता देखिएको छ ।

पछिल्लो समय भारत र पाकिस्तानबीचको तिक्ततापूर्ण सम्बन्धका कारण सार्क निष्क्रियजस्तै बनेको छ । सन् २०१४ मा काठमाडौंपछि सार्क शिखर सम्मेलन आयोजना हुन सकेको छैन ।