काठमाडौँ । नेकपा माओवादी केन्द्रको स्थायी कमिटी बैठक बस्ने भएको छ । बैठक बुधबार दिउँसो ३ बजे बस्ने माओवादी केन्द्रले जनाएको छ । बैठकमा मन्त्री छान्ने विषयमा छलफल हुने बताइएको छ ।

मंगलबार बसेको सत्तारुढ गठबन्धनको बैठकले चाडै मन्त्रिपरिषद् विस्तार गर्ने निर्णय गरेको थियो । माओवादी केन्द्रले सरकारमा सहभागी हुने मन्त्रीको आज टुंगो लगाउने बताएको छ । यस्तै मन्त्रीको टुंगो लगाउन नेपाली कांग्रेसको पनि पदाधिकारी बैठक बस्दै छ ।

सत्तारुढ दलले आफ्नो पार्टीबाट मन्त्री बन्नेको नाम टुंगो लगाउन नसक्दा शेर बहादुर देउवा प्रधानमन्त्री भएको दुई महिनासम्म पनि मन्त्रिपरिषद् विस्तार गर्न सकेका छैन्न । सत्ता पक्षीय गठबन्धनका नेताहरुले एक साताभित्र मन्त्रिपरिषद् विस्तार गरी सक्ने बताउँदै आएका छन् ।