काठमाडौं । नेपाली कांग्रेसका उपसभापति विजयकुमार गच्छदारले पार्टीको आगामी महाधिवेशनमा पार्टी सभपतिको प्रतिस्पर्धाबाट बाहिरिएका छन् ।

बुधबार काठमाडौंमा आयोजित पत्रकार सम्मेलनमा बोल्दै गच्छदारले पार्टी सभापतिमा दाबी नगर्ने घोषणा गरेका छन् ।

पार्टीको १४औँ महाधिवेशनमा आफ्नो सभापतिका लागि उमेदवारी नदिने र भविष्यमा पनि सभापतिको उम्मेदवारमा प्रतिस्ष्पर्धा नगर्ने उनको भनाइ छ ।

‘अहिले तत्काल कुनै गुट, नेताको पक्षमा छैन, वकालत पनि गर्दिन,’ उनले भने–‘पार्टी सभापति शेबहादुर देउवा र बरिष्ठ नेता रामचन्द्र पौडेल दुबै मेरो आदणीय नेता हुनुहन्छ, उहाँहरु दुई नेताहरु मिलेर पार्टी चलाएको हेर्न चाहने व्यक्ति हुँ ।’

उनले आफू नेपाली कांग्रेस बलियो बनाउन आएको समेत बताए । मधेशी लोकतान्त्रिक फोरमबाट कांग्रेसमा २४ हजार ४६८ जना सदस्य प्रवेश गरेकामा २३ हजार ४ सयले क्रियाशील नविकरण गरेको उनले बताए । उनले भने– ‘कांग्रेसका जति अधिकार छ,त्यो अन्य पार्टीबाट आएहरुको त्यति नै अधिकार हुन्छ ।’

गच्छदार ललिता निवास जग्गा प्रकरणमा मुछिएका थिए ।