काठमाडौँ । एभरेष्ट प्रिमियर लिग ईपीएल क्रिकेटमा आज दुई खेल हुँदैछन् । कीर्तिपुर मैदानमा हुने पहिलो खेलमा विराटनगर र चितवन टाइगर्स छन् । आजै हुने अर्को खेलमा भैरहवा ग्लाडीयटर्स र पोखरा राइनोज खेल्दैछन् ।

विराटनगर र चितवनबीचको खेल बिहान साढे ९ बजे र भैरहवा र पोखराबीचको खेल दिउँसो साढे १ बजे सुरु हुनेछ । विराटनगरका कप्तान करण केसी र चितवनका सोमपाल कामी रहेका छन् । यस्तै भैरहवामा शरद भेषवाकर र पोखरामा विनोद भण्डारी कप्तान रहेका छन् ।

ईपीएलमा शनिबार भएको उद्घाटन खेलमा ललितपुर प्याट्रीयट्सलाई ७ विकेटले हराउँदै काठमाण्डौ किङ्स इलाभेनले विजयी सुरुवात गरेको छ ।