काठमाडौँ । नेकपा एमाले उच्चस्तरीय कार्यदलको बैठक सुरु भएको छ । कार्यदलको बैठक मंगलबार केन्द्रीय कार्यालयमा सुरु भएको हो । बैठकले १० बुँदे सहमति कार्यान्वयनमा देखिएका समस्या समाधान गर्ने छ ।

सोमबार बसेको स्थायी कमिटी बैठकले १० बुँदे सहमति कार्यान्वयनमा देखिएका समस्या समाधान गर्न गठित उच्चस्तरीय कार्यदलको संयोजकको जिम्मेवारी भीम रावललाई दिएको थियो । रावलले आजका लागि कार्यदलको बैठक बोलाएका थिए ।

कार्यदलले केन्द्रीय कमिटीलगायतका निकायमा मनोनीत हुनेहरूको सूचीसमेत तयार पार्ने बताइएको छ । यस्तै कार्यदलले पूर्वमाओवादी नेताको पनि समायोजन गर्नेछ । कार्यदलमा महासचिव ईश्वर पोखरेल, उपमहासचिव विष्णु पौडेल, घनश्याम भुसाल, स्थायी कमिटी सदस्यहरू शंकर पोखरेल, सुरेन्द्र पाण्डे र लेखराज भट्ट छन् ।