काठमाडौँ । प्रधानमन्त्री शेर बहादुर देउवाले मन्त्रिपरिषद्को बैठक बोलाएका छन् । प्रधानमन्त्री देउवाले प्रधानमन्त्री तथा मन्त्रिपरिषद्को कार्यालय सिंहदरबारमा अपरान्ह तीन बजेका लागि बैठक बोलाएका हुन् ।

संसद्को अवरोध अन्त्य गर्न बिहान दश बजे सर्वदलिय बैठक बोलाएका देउवाले संसद्को अवरोध अन्त्य गर्ने विषयमा सहमति नभए आजैबाट प्रतिनिधि सभाको जारी अधिवेशन अन्त्य गर्ने बताइएको छ ।

संसद् अवरोध अन्त्य गर्न एमाले सहमति नभए मन्त्रिपरिषद् बैठकले प्रतिनिधि सभाको चालू अधिवेशन अन्तय गर्न राष्ट्रपतिसमक्ष सिफारिस गर्ने बताइएको छ । एमाले सर्वदलिए बैठकमा सहभागी हुने वा नहुने भन्नेमा अन्योल छ । एमाले सचेतक शान्ता चौधरीले आज बस्ने प्रतिनिधि सभाको बैठकमा संसद् अवरोध जारी रहने बताइन् ।