काठमाडौं । नेकपा एमालेको विधान महाधिवेशन भोलि देखि ललितपुरको गोदावरीमा सम्पन्न हुदैछ । महाधिवेशनको सम्पूर्ण तयारी पूरा भएको मूल ब्यवस्थापन समितिका संयोजक स्थायी समिति सदस्य रामवहादुर थापा (बादल)ले जानकारी दिए ।

महाधिवेशनमा झण्डै ७ हजार प्रतिनिधी/पर्यवेक्षक सहभागी हुने आयोजकहरुले बताएका छन् । महाधिवेशन प्रतिनिधीलाई एमालेले ब्यवस्थापनको आफ्नै खालको नियम बनाएको छ ।

हलको ब्यवस्थापन कसरी ?

विधान महाधिवेशनको मूल हलको अगाडी मञ्चमा एमालेका पदाधिकारी र स्थायी समिति सदस्य मात्र बस्ने ब्यवस्था गरिएको छ । त्यसमा प्रत्यके पदाधिकारी तथा स्थायी कमिटि सदस्यको नाम सहितको सिट प्लानिङ गरेको छ । नाम हेदै पदाधिकारी र स्थायी समिति सदस्यलाइृ बस्ने ब्यवस्था गरिएको छ ।

मूल हलमा सवै प्रतिनिधी सहभागी हुन सक्ने छैनन । मूल हलमा ३ हजार प्रतिनिधीलाई मात्रै बस्ने ब्यवस्था आयोजक समितिले बनाएको छ । त्यस्तै वाकी प्रतिनिधीलाई हलको दाँया बाँया खाली हलहरुमा १, १ हजार प्रतिनिधीलाई बस्ने ब्यवस्था मिलाईएको आयोजकले जनाएको छ । यसो गर्दा ५ हजार प्रतिनिधीको ब्यवस्थापन हुने छ । वाँकी २ हजारलाई हलको दायाँ वायाँका प्यासेजहरुमा माथिल्लो खाली भागमा टेन्ट टाँगेर थप आवश्यक पर्ने १, १ हजार क्षमताका हल निर्माण गरिएको छ । त्यहाँ वाँकी २ हजारको ब्यवस्था गरिएको छ ।

खाना नास्ता कसरी ?
महाधिवेशनमा सहभागी हुन देशभरवाट आएका ७ हजार प्रतिनिधीलाइृ खाना नास्ताको ब्ययवस्थापनमा पनि एमालेले नियम बनाएको छ ।

महाधिवेशनमा सहभागी हुने प्रतिनिधी, स्वंयमसेवक, सुरक्षार्मी, गाडीका चालकहरु सवैका लागि विहानको खाना र दिउँसोको खाजा महाधिवेशन स्थलमै ब्यवस्थापन आयोजकले गरेका छन् । उनीहरुले महाधिवेशन स्थलमै खाना र खाजा खान पाउनेछन् ।

तर आयोजकले महाधिवेशन प्रतिनिधीलाई विहानको खाना विहान ९ बजे देखि ११ वजेसम्म खाना खाईसक्ुनपर्ने अनिवार्य नियम बनाएको छ । खाना खाएर विहान ११ वजे हलभित्र प्रवेश गरिसक्नुपर्ने र दिउँसोको खाजा प्याकेटको सम्वन्धित वसेकै स्थानमा ब्यवस्था हुने छ । साझँको खाना बसेकै स्थान वा आफ्नै ब्यवस्थापनमा खाने ब्यवस्था मिलाइएको आयोजकले जनाएको छ ।

निजी सधान नभएका महाधिवेशन प्रतिनिधीलाई ललितपुरस्थित सात दोवाटोमा झण्डासहित बसहरुको ब्यवस्था गरिएको आयोजकले जनाएको छ ।