काठमाडौँ । सर्वोच्च अदालतले चार जना पूर्व प्रधानन्यायाधीशलाई सफाई दिएको छ । अदालतको अवहेलना मुद्दामा उनीहरूविरुद्ध रिट दायर भएकोमा आजा अदालले सफाई दिएको हो ।

प्रधानन्यायाधीश चोलेन्द्र शमशेर र न्यायाधीश सपना मल्ल प्रधानको संयुक्त इजलासले पूर्व प्रधान्यायाधीशविरुद्ध परेको रिटमा माग दाबी नपुगेको भन्दै सफाई दिने फैसला गरेका हुन् ।

पूर्व प्रधानन्यायाधीशहरू मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीले २४ पुस २०७७ मा संयुक्त विज्ञप्ति जारी गर्दै ५ पुस गने तत्कालीन प्रधानमन्त्री केपी शर्मा ओलीले गरेको प्रतिनिधिसभा विघटन असंवैधानिक भएको अभिव्यक्ति दिएका थिए ।

अदालतमा विचाराधीन मुद्दामा टिप्पणी गरी स्वतन्त्र र निष्पक्ष न्याय सम्पादनमा हस्तक्षेप गरेको भन्दै अधिवक्ता धनजीत बस्नेतले पूर्व प्रधानन्यायाधीशविरुद्ध अदालतको अवहेलना रिट निवेदन पेश गरेका थिए ।