काठमाडौँ । नेपाली कांग्रेसका नेता गगन थापाले काठमाडौँ नगरपालिकाको अधिवेशन उद्घाटन कार्यक्रममा बोल्दै १४ औँ महाधिवेशनबाट केन्द्रदेखि वडासम्म जनतामा आशा र भरोसा दिलाउन सक्ने नेता चाहिएको बताएका छन् ।

‘हामीलाई चाहे खुल्ला मञ्च, सडक तथा संसद वा जनताको झुपडीमा गएर बोलेको कुरामा भरोसा दिलाउने कांग्रेस चाहिएको छ, नागरिकहरुको टुटेको मन जोड्ने काग्रेस चाहिएको छ,’ उनले भने, ‘आज जसरी चलेको छ यसले यसले कांग्रेसप्रति जनताको भरोसा दिलाउन सक्दैन ।’

उनले कांग्रेसभित्र सुदृढीकरण र सुधारको खाँचो रहेको बताएका छन् । आगामी तीन तहको निर्वाचनबाट कांग्रेस पहिलो पार्टी बनाउनु पर्नेमा जोड दिए । सम्पूर्ण कम्युनिस्ट र मधेसवादी दल मिले पनि कांग्रेस पहिलो पार्टी बन्ने गरी काम गर्न थापाको आग्रह छ ।