काठमाडौं । नेकपा (माओवादी केन्द्र)को विद्यार्थी संगठन अखिल (क्रान्तिकारी)को राष्ट्रिय सम्मेलनमा तलैबाट गुटबन्दी हाबी भएको माओवादी केन्द्रको सुदूरपश्चिम प्रदेश कमिटीले बताएको छ । सुदूरपश्चिम प्रदेशभित्रको क्रान्तिकारीका जिल्ला अधिवेशन र प्रदेश अधिवेशनको सर्न्दभलाई उल्लेख गर्दै माओवादी केन्द्रको सुदूरपश्चिम प्रदेश कमिटीका इञ्चार्ज खगराज भट्ट र सहइञ्चार्ज लक्ष्मणदत्त जोशीले संयुक्त हस्ताक्षर गरी पार्टी अध्यक्ष प्रचण्डलाई त्यसबारेमा लिखित जानकारी गराएका हुन् ।

‘यसअघि निर्वाचनको माध्यमबाट गरिएको अखिल (क्रानितकारी)को २१ औँ राष्ट्रिय सम्मेलनको गतिविधि र परिणामहरू, पार्टी केन्द्र र प्रदेश, जिल्लामा भएका निषेधात्मक अन्तरसंर्घषहरू तथा अखिल (क्रान्तिकारी)को केन्द्रीय नेतृत्वबाट भए गरेका विधिविपरीत अन्यायपूर्ण कार्य विभाजन तथा विशेष गरी कञ्चनपुर र कैलाली जिल्ला सम्मेलनमा पार्टीभित्रका ध्वंसात्मक अन्तरद्वन्द्वको भौतिक र मनोवैज्ञानिक प्रभाव यसका पछाडि मुख्य कारक तत्वको रुपमा रहेका छन्, ’माओवादी केन्द्रका सुदूरपश्चिम प्रदेश इञ्चार्ज र सहइञ्चार्जले प्रचण्डलाइ लेखेको पत्रमा उल्लेख छ ।

उनीहरुले १४ बुँदामा रहेर पार्टी अध्यक्षलाई अखिल (क्रान्तिकारी)को प्रथम सुदूरपश्चिम प्रदेश सम्मेलनका सर्न्दभमा भएका वास्तविक तथ्य तथा विवादका बारेमा जानकारी गराएका हुन् ।

हेर्नुहोस् प्रचण्डलाई सुदूरपश्चिम प्रदेश पार्टीले लेखेको लिखित पत्र