चितवन । बाघको आक्रमणबाट चितवनमा एक जनाको मृत्यु भएको छ ।
पूर्वी चितवनको खैरहनी नगरपालिका–१३ का २५ वर्षीय दिनेश बोटेको घाँस काट्न जंगल गएकाबेला बाघको आक्रमणमा परी मृत्यु भएको जिल्ला प्रहरी कार्यालय चितवनले जनाएको छ ।
मंगलबार दिउँसो १२ः५० बजे स्थानीय सामुदायिक बनमा घाँस काट्न जाने क्रममा बाघले आक्रमण गरेको बोटेको शव फेला परेको चितवन प्रहरी प्रवक्ता डीएसपी सूर्यबहादुर थापाले जानकारी दिए ।